مال روڈ کی اہم عمارت میں آگ بھڑک اٹھی

مال روڈ کی اہم عمارت میں آگ بھڑک اٹھی


حسن خالد: رجسٹرار کو آپرٹیو ہاؤسنگ سوسائٹیز مال روڈ کے دفتر میں آگ بھڑک اٹھی۔ ریسکیو 1122 نے 2 گھنٹے کی تگ و دو کے بعد آگ پر قابو پالیا۔ آتشزدگی کے باعث اہم ریکارڈ سمیت لاکھوں مالیت کا سامان جل گیا۔
مال روڈ پر واقع سرکاری عمارت رجسٹرار کوآپرٹیو ہاوسنگ سوسائٹیز کی عمارت میں  آگ لگ گئی۔ آگ عمارت کی چھٹی منزل پر واقع رجسٹرار آفس میں لگی، جس نے دیکھتے ہی دیکھتے پورے فلور کو اپنی لپیٹ میں لے لیا۔ ذرائع کے مطابق فائر بریگیڈ آگ لگنے کے بیس منٹ تاخیت سے پہنچی،اہم ریکارڈ جل کر خاکستر ہوگیا۔پولیس کے مطابق ریکارڈ کی نوعیت کا اندازہ   نہیں لگایا جا سکا۔

یہ بھی لازمی پڑھیں:بولو لاہور 19نومبر 2018   

ذرائع کے مطابق پنجاب کی کوآپریٹو ہاوسنگ سوسائٹیز کا تمام ریکارڈ چھٹی منزل پر موجود تھا جو آگ لگنے سے شدید متاثر ہوا، تاہم پولیس کی  تحقیقات کے بعد ہی واضح ہوگا کہ آگ لگنے کی وجہ کیا تھی۔

وقار نیازی

سٹاف ممبر، یونیورسٹی آف لاہور سے جرنلزم میں گریجوائٹ، صحافی اور لکھاری ہیں۔۔۔۔