(محمدساجد) لندن میں سابق وزیراعظم عمران خان کی سابقہ اہلیہ جمائما گولڈ سمتھ کے گھر کے باہر مسلم لیگ ن کے کارکنان نے ایک بار پھر احتجاج کیا اور اہلخانہ کو سنگین نتائج کی دھمکیاں دیں، احتجاج کی ویڈیو بھی سامنے آگئی۔
سابق وزیراعظم عمران خان کی سابقہ اہلیہ جمائما گولڈ سمتھ اور ان کے بچوں کا گھر سے نکلنا محال ہورہا ہے، مسلم لیگ ن کے کارکنان نے ایک بارپھر عمران خان کی سابقہ اہلیہ کے گھرکے باہر احتجاج کیا، ہاتھوں میں عمران خان اور زلفی بخاری کے پوسٹر اٹھائے جن پر چور کے فقرات تحریر کئے ہوئے تھے۔ لیگی کارکنوں نے کاکہناتھا کہ آپ میاں نواز شریف ان کے بیٹوں کے گھر کے نیچے آئیں گے؟ ہم آپ کے بیڈروموں تک آجائیں گے۔ہم آپ کے گھروں کی دیواریں پھلانگ کر اندر آئیں گے۔
عمران خان کے خلاف نعرے لگاتے سابق وزیراعظم کے بیٹوں کا نام لیتے کہا کہ' قاسم کے پاپا چور ہیں، سلیمان کے پاپا چورہیں، نعروں کے بعد نواز شریف کی واپسی کے لئے جشن بھی منایا گیا۔
View this post on Instagram
واضح رہے کہ گزشتہ روز جمائما نے ٹویٹ کرتے لیگی رہنما عابد شیر علی کا پوسٹر شیئر کیا تھا،سابق وزیراعظم عمران خان کی سابقہ اہلیہ جمائما گولڈ سمتھ کا کہاکہ میرے گھر کے باہر مظاہرے ،بچوں کو نشانہ بنانا جیسے 90کی دہائی کے لاہورمیں گئی ہوں۔ جمائما گولڈ اسمتھ نے سوشل میڈیا پر پرانا پاکستان کا ٹرینڈ بھی لکھا تھا۔