(زین مدنی) پاکستانی گلوکارعلی سیٹھی نےبھارتی فنکاروں پرعائد پابندی پر شدید ردعمل کا اظہار کرتے ہوئے کہا کہ فنکار کی کوئی سرحد نہیں ہوتی، یہ ایسی چیز ہے جسے کنٹرول نہیں کیا جاسکتا۔
پاکستانی گلوکارعلی سیٹھی کا فیڈریشن آف ویسٹرن انڈیا سائن ایمپلائز کی جانب سے بھارتی فنکاروں پر لگائی گئی پابندی پرردعمل سامنے آگیا، علی سیٹھی کی جانب سےانسٹاگرام پر لائیو سیشن منعقد کیا گیا، جس میں انہوں نےپاکستان کی نامور گلوکارہ فریدہ خانم اوربھارتی گلوکارہ ریکھا بھردواج کو مدعو کیا، اس سیشن کے دوران بھارتی ہدایت کارویشال بھر دواج بھی جلوہ گر ہوئے، جس پر علی سیٹھی کو تنقید کا نشانا بنایا گیا۔
CHANDNI RAAT feat @rekha_bhardwaj + @VishalBhardwaj + #FaridaKhanum + Me — see full video @alisethiofficial instagram #alisethilive #CoronavirusLockdown pic.twitter.com/36FPEir6Bb
— Ali Sethi (@alisethimusic) March 25, 2020
پابندی پر گلوکار علی سیٹھی کا کہنا تھا کہ گزشتہ دنوں انہیں لوگوں کی جانب سے پیغامات موصول ہورہے ہیں کہ کسی بھارتی تنظیم نے اپنے فنکاروں پر پاکستانی فنکاروں کےساتھ سوشل میڈیا پر بھی کام کرنے پر پابندی عائد کردی ہے۔
گلوکار علی سیٹھی نے کہا کہ اس حوالے سے انہیں بھی تنقید کا نشانہ بنایا جارہا ہےکیونکہ انہوں نے اس سب کی شروعات کیں، یہ سیشن اچانک ہوا تھا، انہوں نے کوئی منصوبہ بندی نہیں کی تھی اورنہ ہی اس کے پیچھے انکا کوئی ایجنڈا تھا۔
No working with #Pakistani artists, singers, technicians, no working on digital platforms too... #FWICE issues stern warning... OFFICIAL STATEMENT... pic.twitter.com/q9bsQaTOU2
— taran adarsh (@taran_adarsh) April 12, 2020
واضح رہے کہ بھارتی فلم ملازمین کی تنظیم فیڈریشن آف ویسٹرن انڈیا سائن ایمپلائز (( ایف ڈبلیو آئی سی ای) نے بھارتی موسیقاروں، گلوکاروں اور آرٹسٹوں کو تنبیہ کی ہے کہ وہ پاکستانی فنکاروں کے ساتھ آن لائن کام نہ کریں، پاکستانی فنکاروں کے ساتھ اشتراک کرنے والے موسیقاروں اور گلوکاروں کے خلاف سخت ایکشن لیا جائے گا۔