سٹی 42: عدالت نے سکول پرنسپل کوگیارہ سالہ طالبہ سے زیادتی کرنے پر سزائے موت سنادی۔

 تفصیلات کے مطابق بھارتی شہرپٹنہ میں 11 سالہ طالبہ کو زیادتی کا نشانہ بنانے پر عدالت نے سکول پرنسپل اروند کمار کو سزائے موت سنادی۔ عدالت نے سکول پرنسپل اروند کمار پر ایک لاکھ روپے جرمانہ بھی عائد کیا، جب کہ سکول کے دوسرے ٹیچر ابھیشیک کمار کو پرنسپل کا ساتھ دینے پر عمر قید کی سزا سناتے ہوئے 50 ہزار روپے جرمانہ عائد کیا جو کہ متاثرہ لڑکی کے والد کو دیا جائے گا۔

بھارتی عدالت کے مطابق سکول پرنسپل نے متعدد بار لڑکی کو زیادتی کا نشانہ بنایا تاہم لڑکی کے حاملہ ہونے پر تمام معاملہ کھل کر سامنے آیا جس کے بعد لڑکی کے والدین نے پولیس سے رابطہ کیا اور سکول پرنسپل کی گرفتاری عمل میں لائی گئی۔عدالت نے لڑکی کے والد کو 15 لاکھ روپے معاوضہ بھی ادا کرنے کا حکم دیا ہے۔