سٹی 42 : راولپنڈی میں تیز بارش کا سلسلہ جاری ہے محکمہ موسمیات نے اب تک ہونے والی بارشوں کا ریکارڈ جاری کرتے ہوئے مزید بارشوں کی پیشگوئی کی ہے ۔

محکمہ موسمیات کے مطابق راولپنڈی کے مختلف علاقوں میں بارش ریکارڈ کی گئی ہے۔سعید پور گاؤں میں سب سے زیادہ 9 ملی میٹر بارش ریکارڈہوئی، پی ایم ڈی ایچ ایٹ ٹو میں 11 ملی میٹر ، نیو کٹاریاں میں 10 ملی میٹر جبکہ شمس آباد اور گوالمنڈی میں 6،6 ملی میٹر بارش ریکارڈ ہوئی ہے۔ 

علاوہ ازیں پیر ودہائی میں 3 اور بوکڑا سی ٹی ٹی آئی آئی ٹوئیلو میں 2 ملی میٹر ، گولڑہ ای الیون میں 1 ملی میٹر بارش ریکارڈہوئی ہے۔

  کٹاریاں  میں واٹر لیول کی سطح 4.5 فٹ، گوالمنڈی میں پانی کی سطح 1 فٹ ریکارڈ کی گئی ہے جبکہ کٹاریاں میں پری الرٹ لیول 11.4 فٹ ، گوالمنڈی میں پری الرٹ لیول 8.3 فٹ مقرر ہے ۔

محکمہ موسمیات کی جانب سے مزید بارشوں کی پیشگوئی بھی کی گئی ہے ۔