(ویب ڈیسک)  اس سال کل3 عالمی کپ کھیلے جائیں گے۔ انڈر 19 ون ڈے عالمی کرکٹ کپ پہلے کھیلا جائے گا۔ 2026 انڈر 19 ون ڈے عالمی کپ جمعرات 15 جنوری (آج) سے شروع ہو رہا ہے۔ آئی سی سی نے اس ٹورنامنٹ کیلئے بھارت اور پاکستان کو الگ الگ گروپس میں رکھا ہے۔ اس کا مطلب ہے کہ بھارت اور پاکستان ٹورنامنٹ کےلیگ مرحلے میں نہیں کھیلیں گے۔
تفصیلات کے مطابق2026 انڈر 19 عالمی کپ 15 جنوری سے 6 فروری تک زمبابوے اور نمیبیا میں مشترکہ طور پر کھیلا جائے گا۔ اس عالمی کپ میں سولہ ٹیمیں حصہ لے رہی ہیں جنہیں چار گروپس میں تقسیم کیا گیا ہے۔ بھارتی ٹیم ٹورنامنٹ کے لیگ مرحلے میں امریکہ، بنگلہ دیش اور نیوزی لینڈ کے خلاف کھیلے گیانڈر 19 عالمی کپ کے پہلے ہی دن یعنی 15 جنوری کو بھارت کا مقابلہ امریکہ سے ہوگا۔ یہ میچ کوئنز اسپورٹس کلب، بلاوایو، زمبابوے میں ہندوستانی وقت کے مطابق دوپہر 1:00 بجے شروع ہوگا۔ 
گروپ میں سرفہرست دو ٹیمیں اگلے مرحلے کے لیے کوالیفائی کریں گی۔  گروپ بی میں پاکستان،ا سکاٹ لینڈ، زمبابوے اور انگلینڈ شامل ہیں۔ گروپ سی میں آسٹریلیا، جاپان، آئرلینڈ اور سری لنکا شامل ہیں۔ گروپ ڈی میں جنوبی افریقہ، تنزانیہ، افغانستان اور ویسٹ انڈیز شامل ہیں۔
2026 انڈر 19 عالمی کپ 16 واں ایڈیشن ہے۔ ہندوستان پچھلے 15 ایڈیشنز میں سب سے کامیاب ٹیم بن کر ابھرا ہے۔ وہ پانچ بار چیمپیئن رہ چکے ہیں جبکہ آسٹریلیا نے چار بار ٹائٹل جیتا ہے۔ پاکستان دو بار چیمپئن رہ چکا ہے۔ انگلینڈ، جنوبی افریقہ، ویسٹ انڈیز اور بنگلہ دیش بھی ایک ایک بار چیمپئن بن چکے ہیں۔ آسٹریلیا موجودہ چیمپئن ہے۔