وقاص احمد:  نشتر کالونی کے علاقے میں 75 سالہ شخص کی جانب سے 13 سالہ بچے کے ساتھ مبینہ زیادتی کی کوشش کا واقعہ رپورٹ ہوا ہے، جس پر پولیس نے کارروائی کرتے ہوئے ملزم کو گرفتار کر لیا۔

پولیس کے مطابق ملزم نادر مبینہ طور پر 13 سالہ احمد کو بہانے سے اپنے گھر لے گیا جہاں اس نے بچے کے ساتھ نامناسب حرکت کی کوشش کی۔ بچے کے شور مچانے پر اہلِ محلہ موقع پر پہنچ گئے اور ملزم کو قابو کر لیا ۔

متاثرہ بچے کی چچی نے اندراجِ مقدمہ کے لیے درخواست جمع کرا دی ہے۔