( سٹی 42 ) پولیو کے خلاف بار بار چلائی جانے والی مہمات بری طرح ناکام، آٹھ سال بعد شہر میں پولیو کا مریض سامنے آگیا۔
کوٹ خواجہ سعید کے رہائشی 8 ماہ کا ننھا بچہ وشال وائرس میں مبتلا، قومی ادارہ صحت کی جانب سے بھی بچے میں پولیو وائرس کی تصدیق کردی گئی ہے۔ متاثرہ بچہ کوٹ خواجہ سعید کا رہائشی ہے، آٹھ برس بعد پولیو کا یہ پہلا کیس سامنے آیا ہے۔
بچے میں پولیو وائرس کی تصدیق نے پولیو مہم کی ناکامی ظاہر کردی ہے، آٹھ ماہ کے بچے کو پولیو کے قطرے بھی پلائے گئے لیکن اس کے باوجود مرض سامنے آگیا ہے۔