ویب ڈیسک : معروف روحانی شخصیت پیر ذوالفقار احمد نقشبندی انتقال کرگئے جن کی نماز جنازہ آج دوپہر 2 بجے جامعہ معہہ الفقیر الاسلامی جھنگ ، پرانا بائی پاس روڈ کے قریب ادا کی جائے گی۔
پیر ذوالفقار احمد نقشبندی کے انتقال پر مختلف شعبوں سے تعلق رکھنے والی شخصیات نے افسوس کا اظہار کیا ہے۔
ایک بیان میں جمعیت علماء اسلام کے سربراہ مولانا فضل الرحمان نے افسوس کا اظہار کرتے ہوئے کہا ہے کہ اس موقع پر ہم سب تعزیت کے مستحق ہیں، یہ ہم سب کے لیے مشترک حادثہ ہے، پیر ذوالفقار نقشبندی تصوف کی آبرو اور علم وعمل کے سالار تھے، انہوں نے نصف صدی سے زیادہ تصنیف وتالیف ، وعظ و نصیحت کی خدمات سرانجام دیں۔
مسلم لیگ ن کے رہنما اور وفاقی وزیر احسن اقبال نے افسوس کا اظہار کرتے ہوئے کہا کہ پیر ذوالفقار احمد نقشبندی کے انتقال کی خبر سن کر دلی صدمہ ہوا، ان سے عقیدت کا تعلق تھا اور وہ بھی نہایت شفقت رکھتے تھے، وہ دینی اور روحانی تربیت کے روشن مینار تھے جنہوں نے اپنی زندگی دین اسلام کی خدمت، تزکیہ نفس، اصلاح معاشرہ اور محبت و اخلاص کے پیغام کو عام کرنے میں بسر کی۔
انا للہ و انا الیہ راجعون
— Ahsan Iqbal (@betterpakistan) December 14, 2025
پیر ذوالفقار احمد نقشبندیؒ کے انتقال کی خبر سن کر دلی صدمہ ہوا۔ ان سے عقیدت کا تعلق تھا اور وہ بھی نہایت شفقت رکھتے تھے۔ وہ دینی اور روحانی تربیت کے روشن مینار تھے جنہوں نے اپنی زندگی دینِ اسلام کی خدمت، تزکیۂ نفس، اصلاحِ معاشرہ اور محبت و اخلاص کے پیغام… pic.twitter.com/HHG1PjZUbZ
معروف عالم دین مولانا طارق جمیل نے کہا کہ پیر طریقت حضرت پیر ذوالفقار احمد نقشبندی صاحب کے وصال کی خبر سے دل انتہائی رنجیدہ اور غمگین ہے، وہ ایک ایسی ہستی تھے جن کی پوری زندگی اللہ کی رضا، دین کی خدمت اور انسانیت کی رہنمائی میں گزری اور ان کی وفات سے امت ایک عظیم رہنما سے محروم ہو گئی۔
پیر طریقت حضرت پیر ذوالفقار احمد نقشبندی صاحب کے وصال کی خبر سے دل انتہائی رنجیدہ اور غمگین ہے. وہ ایک ایسی ہستی تھے جن کی پوری زندگی اللہ کی رضا، دین کی خدمت اور انسانیت کی رہنمائی میں گزری اور ان کی وفات سے امت ایک عظیم رہنما سے محروم ہو گئی.
— Tariq Jamil (@TariqJamilOFCL) December 14, 2025
اللہ تعالیٰ حضرت کی مغفرت فرمائے،…
کشمیری حریت پسند رہنما میر واعظ عمر فاروق نے بھی سوشل میڈیا پر جاری بیان میں کہا کہ یہ سانحہ امت مسلمہ کے لیے ایک عظیم دعوتی اور روحانی خسارہ ہے، مرحوم اصلاح نفس، تزکیہ قلب اور دین کی خاموش مگر گہری خدمت کا روشن چراغ تھے۔
اِنّا لِلّٰہِ وَاِنّا اِلَیْہِ رَاجِعُون
— Mirwaiz Umar Farooq (@MirwaizKashmir) December 14, 2025
انتہائی رنج و غم کے ساتھ حضرت پیر ذوالفقار احمد نقشبندیؒ کی وفات کی خبر موصول ہوئی۔ یہ سانحہ امتِ مسلمہ کے لیے ایک عظیم دعوتی اور روحانی خسارہ ہے۔ مرحوم اصلاحِ نفس، تزکیۂ قلب اور دین کی خاموش مگر گہری خدمت کا روشن چراغ تھے۔ اللّٰہ تعالیٰ…
ان کے علاوہ بھی دیگر سیاسی و مذہبی رہنماؤں نے پیر ذوالفقار احمد نقشبندی کی دینی خدمات کو خراج تحسین پیش کرتے ہوئے ان کے انتقال پر افسوس کا اظہار کیا ہے۔