(مانیٹرنگ ڈیسک) بھارتی ٹی وی انڈسٹری کی معروف اداکارہ دیوولینا بھٹاچارجی نے اپنے جِم ٹرینر شاہنواز شیخ سے شادی کرلی۔
دیوولینا اسٹار پلس کے طویل عرصہ چلنے والے مقبول ڈرامے ' ساتھ نبھانا ساتھیہ' میں گوپی مودی کا کردار ادا کرنے کے لیے جانی جاتی ہیں۔
انڈین میڈیا رپورٹس کے مطابق دیوولینا نے گزشتہ روز انسٹاگرام پر ِجم ٹرینر شاہنواز کے ساتھ شادی کی تصاویر پوسٹ کر کے اپنے تمام مداحوں کو حیران کر دیا۔
View this post on Instagram
رپورٹس کے مطابق شادی کی تقریب ممبئی کے قریب ہل اسٹیشن لوناوالا میں منعقد ہوئی۔
دیوولینا نے سوشل میڈیا پر شادی کی تصاویر پوسٹ کیں اور شوہر کی تعریف کرتے ہوئے لکھا کہ 'چراغ لے کر بھی ڈھونڈتی تو تم جیسا نہیں ملتا، تم میرے درد اور دعاؤں کا جواب ہو'۔
واضح رہے کہ دیوولینا اور شاہنواز شیخ کئی عرصے سے ایک دوسرے کو ڈیٹ کر رہے تھے۔