بحر مردارکےساتھ انوکھاسرخ جوہڑ نمودار ، تصاویر وائرل

بحر مردارکےساتھ انوکھاسرخ جوہڑ نمودار ، تصاویر وائرل

 ویب ڈیسک : اردن میں نمودار ہونیوالےایک سُرخ جوہڑ یا کچّے تالاب کی تصاویر سوشل  میڈیا پر شیئر کی جارہی ہیں، بحر مردار کے علاقے میں سامنے آنے والا یہ سرُخ جوہڑ سمندر سے مکمل طور پر الگ ہے

 تفصیلات کے مطابق بحر مردار کے علاقے میں ایک سُرخ جوہڑ یا کچّے تالاب نمودار ہوا ہے جس کی تصاویر سوشل میڈیا پر شیئر کی جارہی  ہیں ، اردن کی وزارت داخلہ  کا کہنا ہے کہ بحر مردار کے علاقے میں سامنے آنے والا یہ سرُخ جوہڑ سمندر سے مکمل طور پر الگ ہے۔ وزارت داخلہ کے ترجمان عمر سلامہ نے کہا کہ وزارت کی جانب سےمخصوص ٹیموں نے سرخ پانی کے حامل اس جوہڑ کے نمونے لیے ہیں۔ ان نمونوں کو تجزیے کیلئے لیبارٹری بھجوادیا گیا ہے۔ ترجمان کےمطابق تجزیےکےنتائج وصول ہونے کے فوری بعد ان کا اعلان کر دیا جائے گا۔

  اردن میں  نمودار ہونیوالےسرخ جوہڑ کی تصاویر کو سوشل میڈیا پر  شہریوں کی بڑی تعداد نے شیئر کیا ہے  جو اچانک ظاہر ہوا ہے۔ لوگوں نے اس جوہڑ سے مختلف رنگ کا پانی نکلتے ہوئے دیکھا ہے۔ اردن کی وزارت داخلہ کا کہنا ہے کہ بحر مردار سے یہ  مکمل طور پر الگ ہے اس جوہڑ کا پانی سمندر کے پانی کو متاثر نہیں کرے گا۔