سٹی 42 : لاہور پولیس کے ڈی ایس پی اظہر نوید خان کو گرفتار کرلیا گیا۔ 

ڈی ایس پی اظہر نوید خان کو ڈیفنس بی انویسٹیگیشن پولیس نے گرفتار کیا۔ پولیس کے مطابق ڈی ایس پی اظہر نوید خان کے خلاف رشتہ دار حسام خان کی مدعیت میں مقدمہ درج ہے۔ 

پولیس نے بتایا کہ مقدمہ امانت میں خیانت تعزیرات پاکستان کی دفعہ 406 کے تحت درج کیا گیا، مقدمہ میں ڈی ایس پی اظہر نوید خان کا بیٹا نائل اظہر بھی نامزد ہے۔ 

پولیس کے مطابق ڈی ایس پی اظہر نوید خان سکیورٹی ڈویژن میں تعینات ہے۔