(مانیٹرنگ ڈیسک)جے یوآئی شیرانی گروپ نے پی ٹی آئی کے ساتھ مذہبی سیاسی اتحاد کا اعلان کردیا ۔
ذرائع کے مطابق مطابق جے یوآئی شیرانی گروپ کے مولانا شیرانی کی قیادت میں 25 رکنی وفد نے خیبرپختونخواہ ہاؤس میں چیئرمین پی ٹی آئی عمران خان سے ملاقات کی، جس میں ملک کی سیاسی اورمذہبی صورتحال پر بات چیت کی گئی۔
اس موقع پر جے یوآئی شیرانی گروپ اور پی ٹی آئی نے مستقبل میں مل کرچلنے پر اتفاق کیا، شیرانی گروپ نے تحریک انصاف کے ساتھ مذہبی سیاسی اتحاد کا اعلان کیا ہے، دونوں جماعتوں کے درمیان باہمی مشاورت سے سیاسی و انتخابی حکمت عملی مرتب کرنے پر بھی مکمل اتفاق ہوا ہے۔
جے یو آئی شیرانی گروپ کی @ImranKhanPTI سے ملاقات- pic.twitter.com/4wWdxVm5y5
— PTI (@PTIofficial) June 13, 2022
چیئرمین تحریک انصاف عمران خان نے کہا کہ جے یو آئی پاکستان کے سربراہ اور عمائدین کا خیر مقدم کرتا ہوں، ارفع مقاصد کے حصول کیلئے جدوجہد سیاست کا امتیاز ہے، اہل علم آگے بڑھیں اور قوم کی درست سمت میں رہنمائی فرمائیں۔