ویب ڈیسک:پاکستان تحریک انصاف (پی ٹی آئی) کے چیئرمین عمران خان نے کراچی اور حیدرآباد ڈویژن میں کل ہونے والے بلدباتی انتخابات کے حوالے سے خصوصی ویڈیو پیغام جاری کر دیا۔

سماجی رابطے کی ویب سائٹ ٹوئٹر پر جاری کیے گئے ویڈیو پیغام میں عمران خان نے کہا ہے کہ اتوار کو حیدر آباد اور کراچی کے ڈویژن میں بلدیاتی انتخاباب ہیں، میری سب ووٹرز سے اپیل ہے کہ آپ سب کو اس الیکشن میں بھرپور شرکت کرنی ہے۔

اتوار کو ہونے والے بلدیاتی انتخابات کے حوالے سے کراچی اور حیدرآباد ڈویژن کی عوام کے لیے PTI چئیرمین @ImranKhanPTI کا خصوصی پیغام:#کراچی_کپتان_کا
pic.twitter.com/W2yS5DEWEc

— PTI (@PTIofficial) January 14, 2023

انہوں نے کہا کہ آپ نے سب کو ووٹنگ کے لیے لے کر جانا ہے، تحریک انصاف کا مقابلہ ان ساری جماعتوں سے ہے جو 30 سال سے اس ملک کا خون چوس رہی ہیں۔

عمران خان کا کہنا ہے کہ آپ نے اپنے ووٹ سے ثابت کرنا ہے نیا پاکستان اور اس دور کا وقت آ رہا ہے جب ایک مختلف قسم کی سیاست ہو گی۔ویڈیو پیغام میں سابق وزیر اعظم کا یہ بھی کہنا ہے کہ یہ وہ سیاست ہو گی جو پاکستان کو عروج پر لے جائے گی۔واضح رہے کہ الیکشن کمیشن نے کل کراچی اور حیدرآباد میں بلدیاتی انتخابات کرانے کا اعلان کر رکھا ہے۔