شاہین عتیق: لاہور کی صارف عدالت نے سیف ٹریڈرز فیصل ٹاؤن کے مالک کو شوکاز نوٹس جاری کر دیا ، فاضل جج محمد علی نے عدالتی ڈگری پر عملدرآمد نہ کرنے پر شوکاز نوٹس جاری کیا ہے۔
سیف ٹریڈرز کے مالک کو 26 مارچ کو عدالت میں طلب کر لیا گیا ہے۔ عدالت نے قبل ازیں ناقص معیار کے گاڑی کے ٹائر فراہم کرنے پر سیف ٹریڈرز کو 25 ہزار روپے کا جرمانہ عائد کیا تھا۔
عدالتی حکم پر عمل نہ کرنے پر درخواست گزار ملک بلال نے ہرجانے کا دعویٰ دائر کر دیا تھا جس پر عدالت نے شوکاز نوٹس جاری کرتے ہوئے سیف ٹریڈرز کے مالک کو وضاحت پیش کرنے کی ہدایت کی۔