عثمان خان : جمعیت علماء اسلام سندھ نے سندھ پنجاب بارڈر کو تین مقامات سے غیر اعلانیہ مدت تک کے لئے بند کرنے کا فیصلہ کرلیا۔
جے یو آئی کل سکھر کے مقام سے موٹروے انٹرچینج پر دھرنا دے گی۔ سکھر موٹروے کے مقام پر دھرنے کی قیادت مولانا سعود افضل ہالیجوی،اور مولانا محمد صالح انڈھڑ کریں گے۔ اس کے علاوہ گھوٹکی میں کموں شہید نزد اباڑو میں دھرنا دیا جائے گا، گھوٹکی دھرنے کی قیادت علامہ ناصر خالد محمود اور مولانا محمد اسحاق لغاری کریں گے۔
جے یو آئی کی جانب سے کشمور میں سندھ پنجاب بارڈر پر بھی دھرنا دیا جائے گا، سندھ پنجاب بارڈر مظاہرے کی قیادت امیر جے یو آئی سندھ سائیں عبدالقیوم ہالیجوی ، مولانا شفیع محمد کھوسو اور مولانا شمس الدین بھیری کریں گے۔