سٹی42: فیچر نیوز: پاکستان میں جشن آزادی قومی جوش و جذبے کے ساتھ جارہا ہے،سیاسی شخصیات بھی اس جشن آزادی میں قوم کو متحد ہونے اور ملکی ترقی میں کردار ادا کرنے کے پیغامات جاری کر رہے ہیں۔سیاسی شخصیات کی جانب سے مداحوں کو جشن آزادی کی مبارکباد دینے کے ساتھ ساتھ وبا کے دوران احتیاط برتنے کا بھی کہا گیا ہے۔
وزیر اعظم عمران خان نے سماجی رابطے کی ویب سائٹ ٹوئٹر پر جشن آزادی کے حوالے سے اپنے جاری کردہ پیغام میں کہا ہے کہ قانون کے مطابق تمام شہریوں کے ساتھ قانون کی حکمرانی کے لئے اور ہمدردی کی بنیاد پر ایک اسلامی فلاحی ریاست کی طرف سے میں اپنی قوم کو اس کے 73 یوم آزادی پر مبارکباد پیش کرتا ہوں، قائد کے پاکستان کی طرف ہمارا سفر شروع ہوچکا ہے۔
I congratulate our nation on its 73 yrs of Independence. Our journey towards Quaid's Pakistan has begun: for Rule of Law with all citizens equal before the law; & towards an Islamic Welfare State, premised on compassion.
— Imran Khan (@ImranKhanPTI) August 14, 2020
وزیر اعلیٰ پنجاب سردار عثمان بزدار نے قوم کو یوم آزادی کی مبارکباد دیتے ہوئے کہا ہے کہ پاکستان اللہ تعالیٰ کا انعام اور نعمت ہے، قائداعظم نے مسلمانان برصغیر کو الگ وطن کا تحفہ دے کر احسان کیا، دنیا بھر میں پاکستان جیسا عالیشان کوئی ملک نہیں، ہمیں آزاد وطن کی قدر و منزلت کو پہچاننا ہوگا۔
وزیراعلیٰ پنجاب @UsmanAKBuzdar کا یومِ آزادی کے موقع پر ویڈیو پیغام:#IndependenceDay #14AugustAzadiDay pic.twitter.com/KF60w8YNb0
— Government of Punjab (@GOPunjabPK) August 14, 2020
پاکستان مسلم لیگ ن کی نائب صدرمریم نواز ایک ٹوئیٹ کے ذریعے قوم کو یوم آزادی کی مبارک دی ہے اور کہا ہے کہ خوشی اور امید کے اس دن ہمیں عزم کرنا ہے کہ جس مقصد کے لئے پاکستان بنایا گیا تھا وہ مقصد حاصل کرنا ہے، مریم نواز کا کہنا ہے کہ قیام پاکستان کا ویژن اور اس پر عمل درآمد اب ہمارے ہاتھ میں ہیں۔
It is the day of happiness and hope but also of resolve to make Pakistan what it was meant to be. The vision and it’s implementation is in our hands, dear brothers and sisters.
— Maryam Nawaz Sharif (@MaryamNSharif) August 14, 2020
یومِ آزادی مبارک ???????? pic.twitter.com/zAiYmsDN0W
ایک اور ٹویٹ میں مریم نواز نے سابق وزیراعظم میاں نوازشریف کی جانب سے بھی یوم آزادی کی مبارکباد دی۔
قوم کو محمد نواز شریف کی جانب سے یوم آزادی بہت بہت مبارک۔
— Maryam Nawaz Sharif (@MaryamNSharif) August 14, 2020
پاکستان ہمیشہ زندہ باد ???????? pic.twitter.com/4nsni5gaLk
مسلم لیگ کے صدر و سابق وزیراعظم چودھری شجاعت حسین، سپیکر پنجاب اسمبلی چودھری پرویزالٰہی اور مونس الٰہی ایم این اے نے یوم آزادی پر اپنے پیغامات میں کہا ہے کہ قیام پاکستان کی سالگرہ پر ہمیں اللہ کریم کا دل کی گہرائیوں سے شکرادا کرنے کے ساتھ ساتھ اپنی غلطیوں اور کوتاہیوں پراللہ تعالیٰ کے حضور معافی کے خواستگار ہونا چاہیئے اور فرمودات بانی پاکستان پر چلنے کا عہد کریں۔
مسلم لیگ ن کے زیر اہتمام پرچم کشائی کی تقریب مسلم لیگ ن کے صدر شہباز شریف نے پرچم کشائی کی اس موقعہ پر ملک کی سلامتی اور ترقی کے لیے خصوصی دعا بھی کرائی گئی، مسلم لیگ ن کے صدر شہباز شریف نے اپنے جاری کردہ پیغام میں کہا ہے کہ یہ قائداعظم کی سیاسی ذہانت اور ان کی طرح عزم کا زندہ معجزہ ہے۔ قائد کا اتحاد ، ایمان اور نظم و ضبط کا مقصد ہی ہمارے عوام کے لئے اقوام عالم میں اپنے صحیح مقام کی تلاش کے لئے سفر میں ایک منظم اصول ہے۔
Pakistan ???????? is a living miracle of Quaid-i-Azam's political genius & his rock-like determination. Quaid's motto of unity, faith & discipline is the organizing principle for our people in the journey to find our rightful place in the comity of nations.
— Shehbaz Sharif (@CMShehbaz) August 14, 2020
پی پی پی چیئرمین بلاول بھٹو زرداری نے 74ویں یومِ آزادی پر پیغام دیا ہے کہ قوم کو جشنِ یومِ آزادی مبارک، آزادی کی قدر حقیقی جمہوریت میں مضمر ہے، انسانی وقار کا احترام اور انسانذات کی ترقی کی ضمانت جمہوریت کے علاوہ اور کوئی نظام نہیں دیتا، ہماری قوم کے نوجوان متحرک اور آزادی کی اہمیت و افادیت سے بخوبی واقف ہیں، پاکستانی قوم اپنی آزادی کا تحفظ کرنا جانتی ہے، جسے یہ عزم تحریکِ آزادی سے وراثت میں ملا ہے ۔