ثمرہ فاطمہ:لاہور کے مختلف علاقوں میں بارش کے باوجود حبس اور گرمی کی شدت برقرار ہے۔ شہر کا آسمان بادلوں کی لپیٹ میں ہے، جبکہ درجہ حرارت 36 ڈگری سینٹی گریڈ ریکارڈ کیا گیا۔

محکمہ موسمیات کے مطابق شہر میں کم سے کم درجہ حرارت 27 ڈگری سینٹی گریڈ رہنے کا امکان ہے۔ ہوا میں نمی کا تناسب 48 فیصد جبکہ ہوا کی رفتار 3 کلومیٹر فی گھنٹہ ریکارڈ کی گئی۔

محکمہ موسمیات نے آئندہ ہفتے لاہور میں گرج چمک کے ساتھ بارش کی پیشگوئی کی ہے۔