ویب ڈیسک: موجودہ وقت میں موبائل فون کا استعمال کافی بڑھ گیا ہے، جسے دیکھو  اس کے ہاتھ میں موبائل فون ہے اور وہ اس کی دنیا میں گم ہے۔ ایسامحسوس ہوتا ہے کہ اب موبائل فون ہمارے جسم کا ایک حصہ ہے اور ہماری عادتوں میں شامل ہے۔ ہم میں سے بہت سے لوگ سوتے، جاگتے، اٹھتے، بیٹھتے،  کھاتے، پیتے یہاں تک کہ واش روم میں بھی موبائل فون کا استعمال کرتے ہیں اور ایسے استعمال سے اس کے نقصانات بھی بہت ہیں۔

عالمی ویب سائٹ کے مطابق ایک تحقیق سے معلوم ہوا ہے کہ سمارٹ فون کا حد سے زیادہ استعمال انسانی صحت کے لئے نقصان دہ ثابت ہو سکتا ہے۔ اس حوالے سے ماہرین نے چند خطرات کی طرف اشارہ بھی کیا ہے جو کہ درج ذیل ہیں۔

گھریلو حادثات

 فون کو مسلسل دیکھنے کی وجہ سے ایسے بہت سے گھریلو حادثات  واقع ہو رہے ہیں جیسے کہ کوئی شخص اپنے کیلئے پانی گرم کر رہا ہوں اور اس دوران کا بھی استعمال کر رہا ہے اور اصل کام سے توجہ ہٹنے سے خود پر گرم پانی ڈال لیا۔ فون کا استعمال کرتے ہوئے بعض افراد اتنا مصروف ہوجاتے ہیں کہ پاس بیٹھا بچہ اپنے والد یا والدہ سے اگر کوئی بات کر رہا ہو تو وہ اس کی بات نہ ہی سمجھ پاتے ہیں اور نہ ہی بہتر جواب دے پاتے ہیں۔  بچوں کو  ایسے نظرانداز کرنا نجی زندگی میں بہت سے مسائل جنم لے سکتے ہیں۔

آنکھوں میں جلن

بعض چینی ڈاکٹروں کا کہنا ہے کہ سمارٹ فون کو طویل وقت تک دیکھنا آنکھوں میں جلن کا سبب بن سکتا ہے۔ اسکا اگر فوری طور پر علاج نہ کیا جائے تو وہ بینائی کی کمزوری کا باعث بن سکتا ہے۔

سردرد

آج کے دور میں ہر دوسرا شخص سر درد میں مبتلا ہے، لیکن کوئی بھی یہ نہیں سوچتا کہ اس درد سر کی کیا وجہ ہوسکتی ہے۔ سمارٹ فون کا زیادہ استعمال سر درد کی وجہ بھی بن سکتا ہے،  جیسے موبائل سے نقصان دہ شعاعوں کا اخراج اور فون کی تیز لائٹ کے ساتھ آنکھوں کو آرام دیے بغیر موبائل کا مسلسل استعمال کرناوغیرہ۔

بچوں میں تنہائی کا احساس

بچوں میں تنہائی کی بات کی جائے تو یہ ابھی تک ثابت نہیں ہوسکا کہ موبائل فون کے استعال سے بچے تنہائی کا شکار ہوتے ہیں البتہ ابچوں میں تنہائی کی علامات پیدا ہوسکتی ہیں۔ خاص طور پر ایک بچہ جو ہر وقت کسی نہ کسی گیم کھیلنے میں لگا رہے تو وہ  الگ تھلگ رہے گا اور کسی معاشرتی یا اجتماعی کام میں شریک نہ ہوتا تو ایسے اس کی شخصیت میں منفی اثرات پیدا ہونا شروع ہوجائیں گے جیسے ضدی ہونا، چھوٹے بچوں کو مارنا اور بڑوں کی بات نہ ماننا وغیرہ۔

کام پر اثر انداز ہونا

بہت سے لوگوں کا ماننا ہے کہ سمارٹ فون سے ان کی زندگی بری طرح متاثر ہوئی ہے۔ جیسے وہ رات کو  نو بجے سونے کا ارادہ کرتے ہیں لیکن جیسے ہی بستر پر لیٹ جاتے ہیں تو فون استعمال کرنا شروع کردیتے ہیں اور  12 یا 1 بجے سوتے ہیں جس سے ان کے روز مرہ کے معمولات پر برا اثر پڑتا ہے۔

ماہرین کا کہنا ہے کہ سمارٹ فون کا استعمال ہماری زندگی کا اہم حصہ بن گیا ہے لہٰذا اس کا استعمال ختم تو نہیں کیا جاسکتا لیکن کم ضرور کیا جاسکتا ہے۔