بلاول بھٹو نے این اے 127 میں عوامی تحریک اور منہاج القران کی حمایت جیت لی

Stay tuned with 24 News HD Android App
Get it on Google Play

سٹی42 : پاکستان عوامی تحریک نے عام انتخابات میں پاکستان پیپلز پارٹی کی حمایت کا اعلان کر دیا۔

 پاکستان پیپلز پارٹی کے چئیرمین بلاول بھٹو زرداری نے جمعہ کے روز لاہور میں تحریک منہاج القران کے دفتر کا دورہ کیا اور عوامی تحریک اور منہاج القرآن کی قیادت سے ملاقات کی۔ اس ملاقات کے دوران انہوں نے سانحہ ماڈل ٹاؤن کے شہدا کے حوالے سے عوامی تحریک کے مؤقف کی حمایت کی اور اس واقعہ کی غیر جانبدارانہ تحقیقات کا مطالبہ کیا۔ بلاول بھٹو نے اظہار یکجہتی کے طور پر منہاج القرآن ادارہ کی رکنیت بھی حاصل کی۔ انہوں نے عوامی تحریک کی قیادت سے این اے 127 میں خصوصاً اور ملک بھر میں بھی پاکستان پیپلز پارٹی کی حمایت کرنے کی درخواست کی۔

کلائمیٹ چینج؛ شدید گرمی کی لہر نے برصغیر کو  جھلسا دیا، بنلہ دیش میں ریکارڈ ٹوٹ گئے

بلاول بھٹو کی اس ملاقات کے بعد   پاکستان عوامی تحریک کے سیکرٹری جنرل خرم نواز گنڈا پور نے اپنے ویڈیو بیان میں کہا ہے کہ چیئرمین پیپلز پارٹی بلاول بھٹو زرداری کی این اے 127 میں بھرپور حمایت کریں گے۔ این اے 127 میں بلاول بھٹو زرداری کی حمایت میں بھرپور جلسہ کریں گے، پیپلز پارٹی کے لئے ہماری حمایت اس حلقے میں "نظر آئے گی"۔

لاہور: مسلسل 5سال سے میٹرک میں فیل ہونے والے طالبعلم کی خودکشی کی کوشش ناکام

خرم نواز گنڈا پور کا کہنا تھا کہ ہماری مخالفت صرف ن لیگ سے ہے، ن لیگ سانحہ ماڈل ٹاؤن میں ہماری ملزم ہے، سانحہ ماڈل ٹاؤن کا انصاف ابھی تک نہیں ہوا، شہداء کے ورثا کو انصاف ملنا چاہئے۔انہوں نے کہا کہ بلاول بھٹو زرداری کے شکر گزار ہیں، آج وہ ہمارے دفتر آئے اور سانحہ ماڈل ٹاؤن پر ہمارے موقف کی حمایت کi.

سکیورٹی فورسز سے انکاؤنٹر میں مارا جانے والا انتہائی مطلوب دہشتگرد نکلا

خرم نواز گنڈا پور نے کہا کہ پیپلز پارٹی نے 17 جون 2014ء سے سانحہ ماڈل ٹاؤن پر ہمیشہ اصولی موقف اختیار کیا ہے، ہم انتقام کی سیاست کو ختم کرنا چاہتے ہیں، پیپلز پارٹی کی ہم نے پہلے ضمنی الیکشن میں بھی مدد کی تھی۔

خرم نواز گنڈاپور نے کہا کہ اس وقت پاکستان کی عالمی ساکھ کو بہتر کرنے کی ضرورت ہے، اور اس کام کو سرانجام دینے کیلئے نئی اور ترقی پسند قیادت کو آگے آنا چاہیئے۔

پاک نیوزی لینڈ ٹی20 میچ کے حوالے سے ٹریفک پلان جاری

بلاول بھٹو کا منہاج القرآن سیکرٹریٹ کا دورہ

پاکستان پیپلز پارٹی کے چیئرمین بلاول بھٹو جمعہ کے روز لاہور ماڈل ٹاؤن میں تحریک منہاج القرآن کے مرکزی سیکرٹریٹ کے دورہ پر پہنچے تو ادارہ منہاج القرآن اور عوامی تحریک کے رہنماؤں اور کارکنوں نے ان کا  گرم جوشی سے استقبال کیا۔ اس موقع پر گفتگو کرتے ہوئے بلاول بھٹو نے سانحہ ماڈل ٹاؤن حملے کی غیر جانبدار تحقیقات کا مطالبہ کردیا۔ انہوں نے کہا کہ  پیپلزپارٹی واحد جماعت ہے جو صرف عوام کا ساتھ چاہتی ہے، باقی جماعتیں دوسری طرف دیکھ رہی ہیں، ہماری سوچ اور نظریہ ایک ہے، مل کر جدوجہد کریں گے، نفرت اور تقسیم کی سیاست کا مقابلہ کریں گے۔

شہر لاہور میں موٹر سائیکل چور بے لگام، وارداتیں تھم نہ سکیں

لاہور میں پاکستان عوامی تحریک کے مرکزی دفتر  میں میڈیا کے نمائندوں سے گفتگو کرتے ہوئے  بلاول بھٹو نے کہا کہ ہماری خواہش ہے پاکستان کو جدید ریاست بنائیں، دنیا بھر میں پاکستان کا پرامن چہرہ سامنے لے کر آئیں گے، ہماری کوشش عوام کی خدمت کرنے کی ہے ناکہ اپنی ذات کے لیے، پرامن طریقے سے نفرت کی سیاست کا مقابلہ کریں گے۔

بلاول بھٹو زرداری نے کہا کہ سانحہ ماڈل ٹاؤن کی صاف اور شفاف تحقیقات کی جائیں، جہاں حملہ کیا گیا تھا وہاں آج بھی گولیوں کےنشانات ہیں، ہمیں چاہیئے معاشرے میں جو نفرت پیدا کی گئی اسے ختم کریں۔

مل کر جدوجہد کریں گے

چیئرمین پیپلز پارٹی کا کہنا تھا کہ ہم عوام کے لیے ترقی کے راستے کھولیں گے، ہماری سوچ اور نظریہ ایک ہے مل کر جدوجہد کریں گے، اب پی ٹی آئی سپریم کورٹ اور الیکشن کمیشن کے درمیان ہے، ایک دو  دن کی بات ہے پتہ چل جائے گا۔

انہوں نے مزید کہا کہ پیپلزپارٹی واحد جماعت ہے جو صرف عوام کا ساتھ چاہتی ہے، باقی جماعتیں دوسری طرف دیکھ رہی ہیں، ہم عوام کی طرف دیکھ رہے ہیں، میں عوامی معاشی معاہدے پر زور دے رہا ہوں، میں تو 2018 سے مسلسل مہم چلا رہا ہوں۔

پاکستان عوامی تحریک کا این اے 127  میں بلاول بھٹو  کی حمایت کا اعلان
منہاج القرآن سیکریٹریٹ میں بلاول  بھٹو کے ہمراہ میڈیا سے گفتگو کرتے ہوئے عوامی تحریک کے سیکرٹری جنرل خرم نواز گنڈا پور کا کہنا تھا کہ وہ نہ صرف این اے 127  میں بلاول بھٹو کی مکمل حمایت کریں گے بلکہ اقتدار میں آنے کے بعد عوام کی خوشحالی اور تعمیر و ترقی کیلئے مل کر کردار بھی ادا کریں گے۔

بلاول بھٹو زرداری تحریک منہاج القرآن کے ممبر بن گئے

 شہید بینظیر بھٹو ک بھی  تحریک منہاج القرآن کی رسمی رکن بنی تھیں، اب ان کے فرزند بلاول بھٹو بھی تحریک منہاج القرآن  کے ممبر بن گئے ، بلاول بھٹو نے منہاج القرآن سیکریٹریٹ میں ممبر شپ فارم پر دستخط کئے، ترجمان منہاج القرآن  نور اللہ صدیقی  نے بتایا  کہ بلاول بھٹو کو تحریک منہاج القرآن کا تاحیات ممبر بنایا گیا ہے، بینظیر بھٹو شہید بھی تحریک منہاج القرآن کی تاحیات رکن تھیں،بینظیر بھٹو نے ڈاکٹر طاہر القادری کی دعوت پر تحریک منہاج القرآن کی رکنیت حاصل کی تھی۔ 

متعلقہ خبریں