ویب ڈیسک : لاہور کے ڈی اؒٓئی جی ٹریفک نے ٹریفک قوانین کی خلاف ورزی کرنے والوں اور سڑکیں بند کرنے والوں کے متعلق سخت احکامات جاری کردیے۔ 

ڈی آئی جی ٹریفک لاہور اطہر وحید  نے کہا ہے کہ ٹریفک قوانین کی خلاف ورزی کرنے والوں کو جیل بھجوایا جائے گا۔ انہوں نے خبردار کیا کہ لاہور کی سڑکیں بند کرنے والوں پر بھی مقدمات درج ہوں گے۔ اطہر وحید نے دوٹوک الفاظ میں کہا ہے کہ لاہور کی سڑک جو بند کرےگا اسے خود گرفتار کرنے آؤں گا۔

ڈی آئی جی ٹریفک نے کہا کہ 2 سے 4 ماہ کے اندر لاہور کی سڑکوں کو بدل دیں گے، چھوٹی چھوٹی باتوں پر سڑکیں بند کرنے والوں کو سوچنا چاہیے تھا کیوں راستہ بند کیا۔