سٹی 42 : تھائی لینڈ میں ہونے والی مسٹر اینڈ مس یونیورس باڈی بلڈنگ چیمپئن شپ میں شرکت کیلئے قومی باڈی بلڈنگ ٹیم کا 12 رکنی اسکواڈ بینکاک پہنچ گیا ۔  

فلائٹ لیٹ ہونے کی وجہ سے قومی اسکواڈ 8 گھنٹے تاخیر سے تھائی لینڈ پہنچا، قومی اسکواڈ میں سات ایتھلیٹ اور پانچ آفیشلز شامل ہیں۔ 

 چیمپئن شپ 15 ستمبر تک تھائی لینڈ کے شہر پتایہ میں منعقد ہوگی ۔ قومی تن ساز  ماسٹرز ، سینیئر ، جونیئر باڈی بلڈنگ سمیت مینز کلاسک اور مینز فزیک کے مقابلوں میں شرکت کریں گے ۔ اس ایونٹ میں بھارت سمیت 25 ممالک کے 100 سے زائد تن ساز شرکت کریں گے۔ 

قومی تن ساز کل سے ایکشن میں نظر آئیں گے ۔