سٹی42ؒ: لاہور کے گلبرگ علاقے میں چینی بنانے والے ایک یونٹ پر چھاپہ مارا گیا، جہاں لاکھوں روپے کی بجلی چوری پکڑی گئی۔

 ذرائع کے مطابق یہ چوری ڈائریکٹ سپلائی لائن سے کی گئی تھی، اور اس سلسلے میں متعدد کیبل اور میٹر قبضے میں لیے گئے ہیں۔انسداد چوری آپریشن ایس ای ساؤتھ سرکل کے محمد حسین کی نگرانی میں کیا گیا، اور ایکسین گلبرگ محمد طاہر نے بتایا کہ وہ چوروں کے خلاف قانونی کارروائی کریں گے۔

اس کے علاوہ ایس ڈی او سب ڈویژن کا کہنا ہے کہ چوروں کو لاکھوں روپے کا ڈی ٹیکشن بل بھی لگایا جائے گا۔

اسی دوران پیرا فورس نے اس یونٹ کو سیل کر دیا ہے اور چینی کی پیکنگ اور دیگر اجزاء کے نمونے حاصل کر کے مزید تحقیقات کا آغاز کیا گیا ہے۔