ویب ڈیسک: مشرق وسطیٰ میں جاری کشیدگی کے خاتمے کے لیے ایران کے صدر مسعود پزشکیان تین بنیادی شرائط پیش کر دی ہیں۔
ایرانی صدر کا کہنا ہے کہ انہوں نے روس اور پاکستان کی قیادت سے گفتگو کے دوران خطے میں امن کے لیے ایران کے عزم کا اعادہ کیا۔
ان کے مطابق جنگ کے خاتمے کے لیے ضروری ہے کہ ایران کے جائز حقوق کو تسلیم کیا جائے، ہونے والے نقصانات کا معاوضہ ادا کیا جائے جبکہ آئندہ کسی بھی جارحیت سے بچاؤ کے لیے عالمی سطح پر ٹھوس ضمانتیں فراہم کی جائیں۔
سماجی رابطے کی ویب سائٹ ایکس پر اپنے بیان میں مسعود پزشکیان نے کہا کہ امریکہ اور اسرائیل کی جانب سے شروع ہونے والے اس تنازع کو ختم کرنے کا واحد راستہ یہی ہے کہ ایران کے قانونی حقوق کو تسلیم کیا جائے، جنگ سے ہونے والے نقصان کا ازالہ کیا جائے اور مستقبل میں حملوں کی روک تھام کے لیے مضبوط بین الاقوامی ضمانتیں دی جائیں۔
Talking to leaders of Russia and Pakistan, I reaffirmed Iran’s commitment to peace in the region. The only way to end this war—ignited by the Zionist regime & US—is recognizing Iran’s legitimate rights, payment of reparations, and firm int'l guarantees against future aggression.
— Masoud Pezeshkian (@drpezeshkian) March 11, 2026
انہوں نے مزید کہا کہ یہ جنگ صیہونی حکومت اور امریکا کی جانب سے مسلط کی گئی ہے۔ خطے میں پائیدار امن کے لیے ضروری ہے کہ اس تنازع کے اصل اسباب کو تسلیم کیا جائے جبکہ انصاف پر مبنی حل تلاش کیا جائے۔
ایرانی صدر کے مطابق ایران کی پالیسی خطے میں استحکام اور امن کو فروغ دینا ہے۔ ان کا کہنا تھا کہ اگر ایران کے جائز مطالبات مان لیے جائیں تو جنگ کے خاتمے اور دیرپا امن کی راہ ہموار ہو سکتی ہے۔