ویب ڈیسک : فیصل آباد میں ایس ایچ او تھاناسمن آباد کے کمرے سے منشیات برآمد ہونے پر 4 اہلکاروں کے خلاف مقدمہ درج کرلیا ۔ 

پولیس کے مطابق تھاناسمن آباد کے ایس ایچ او کے کمرے میں چھاپہ مارا گیا، جہاں سے 4 کلو افیون اور 2 کلو چرس برآمد ہوئی۔ پولیس کا کہنا ہے کہ منشیات برآمد ہونے پر چاروں اہلکار فرار ہوگئے۔

پولیس کے مطابق منشیات برآمد ہونے پر ایس ایچ او سمیت 4 پولیس اہلکاروں کے خلاف مقدمہ درج کرلیا گیا،  مقدمےمیں ایس ایچ او،سب انسپکٹر،کانسٹیبل اورڈرائیور نامزد ہیں۔

ایف آئی آر کے مطابق اہلکاروں نے 6 کلوگرام سے زائد منشیات برآمد کر کے 2 منشیات فروشوں کوچھوڑا تھا، جس پر اینٹی نارکوٹکس فورس نے نشاندہی کی اور ڈی ایس پی فیکٹری ایریا نے کارروائی کی۔