ویب ڈیسک:قطر کی سیاسی تاریخ کی ایک اہم شخصیت اور سابق امیر شیخ حمد بن خلیفہ آل ثانی انتقال کر گئے۔ ان کے انتقال پر قطر سمیت عرب دنیا میں افسوس کا اظہار کیا جا رہا ہے۔

قطری امیری دیوان کے مطابق سابق امیر شیخ حمد بن خلیفہ آل ثانی 74 برس کی عمر میں انتقال کر گئے۔ وہ 1995 سے 2013 تک قطر کے امیر رہے اور اپنے دورِ حکومت میں ملک کی معاشی، سفارتی اور ترقیاتی پالیسیوں میں نمایاں تبدیلیاں متعارف کرائیں۔

سال 2013 میں انہوں نے رضاکارانہ طور پر اقتدار اپنے صاحبزادے شیخ تمیم بن حمد آل ثانی کے حوالے کر دیا، جسے خطے میں اقتدار کی پرامن منتقلی کی ایک اہم مثال قرار دیا جاتا ہے۔

شیخ حمد بن خلیفہ آل ثانی کے دور میں قطر نے توانائی، معیشت، بنیادی ڈھانچے اور بین الاقوامی سفارت کاری کے میدان میں غیر معمولی ترقی کی، جس کے نتیجے میں ملک دنیا کے خوشحال اور امیر ترین ممالک میں شمار ہونے لگا۔