ویب ڈیسک: سندھ ہائیکورٹ نے اعظم سواتی کی سندھ میں گرفتاری کے خلاف درخواست فوری سماعت کےلیے منظو رکرلی۔

  اعظم سواتی کے بیٹے عثمان سواتی نے والد کی سندھ میں گرفتاری  کے خلاف نئی درخواست دائر کی تھی جس کی فوری   سماعت  کی استدعا کی گئی تھی۔ سندھ ہائیکورٹ نے  عثمان سواتی  کی درخواست  کو فوری   سماعت کے لیے منظور کرلیا جس پر جسٹس کے کے آغا کی سربراہی میں 2  رکنی بینچ سماعت کرے گا۔ درخواست پر سماعت  کےسلسلے  میں اعظم سواتی کے بیٹے اور سندھ میں اپوزیشن لیڈر حلیم  صدیقی   سندھ ہائیکورٹ پہنچ گئے ہیں۔

واضح رہےکہ پی ٹی آئی  رہنما اعظم سواتی متنازع ٹوئٹ کے کیس میں گرفتار ہیں جنہیں گزشتہ ہفتے سندھ پولیس نے گرفتار کیا اور انہیں بلوچستان سے سکھر منتقل کیا گیا۔