مانیٹرنگ ڈیسک: چیئرمین پی ٹی آئی عمران خان کی بہن عظمیٰ خان کے خلاف کرپشن کا ایک اور مقدمہ درج، عظمی خان نے جعلسازی سے کروڑوں روپے کی اراضی غیر قانونی طور پر اپنے نام ٹرانسفر کروائی۔
نجی ٹی وی کے مطابق اینٹی کرپشن فیصل آباد نے اٹھارہ ہزاری میں 300 کنال قیمتی اراضی جعلسازی سے اپنے نام ٹرانسفر کروانے کے الزام میں چیئرمین پی ٹی آئی کی بہن عظمیٰ خان کے خلاف مقدمہ درج کیا ہے۔ ترجمان اینٹی کرپشن کے مطابق اینٹی کرپشن نے مشکوک انتقالات، دھوکہ دہی اور جعلسازی سازی کے الزامات کی تحقیقات کیں۔
عظمیٰ خان نے اٹھارہ ہزاری میں چک نمبر 7/2 تھل جنوبی، اور چک نمبر 11/2 تھل جنوبی میں دھوکہ دہی اور جعلسازی سے رقبہ اپنے نام کروایا۔
عظمیٰ خان کے علاوہ تحصیل دار، نائب تحصیلدار، پٹواری، اراضی ریکارڈ سینٹر کے عملہ سمیت کل 8 افراد ایف آئی آر میں ملزم نامزد ہیں جب کہ اینٹی کرپشن پولیس نے نائب تحصیلدار اور پٹواری کو گرفتار کر لیا۔