(ویب ڈیسک) بالی وڈ کے معروف اداکار چنکی پانڈے کی والدہ اور اداکارہ اننیا پانڈے کی دادی سنیہ لتا پانڈے انتقال کرگئیں۔
تفصیلا ت کے مطابق با لی وڈ کے معرو ف ادا کا رچنکی پانڈے کی والدہ کا انتقال حرکتِ قلب بند ہوجانے کی وجہ سے ہوا۔ انتقال کی خبر سنتے ہی چنکی پانڈے فوری طور پر اپنی والدہ کی رہائش گاہ پر پہنچے۔ اس کے علاوہ فیملی کے دیگر افراد، رشتے دار، دوست احباب اور فلمی ستارے بھی اظہارِ افسوس کیلئے چنکی پانڈے کی والدہ کے گھر پہنچے۔ آنجہانی سنیہ لتا پانڈے آخری رسومات ممبئی میں ادا کردی گئی ہیں۔
واضح رہے کہ چنکی پانڈے بالی وڈ کے نامور اداکار ہیں اور انہوں نے بہت سی فلموں میں اداکاری کے جوہر دکھائے۔