سٹی 42 : اسلام آباد میں ایرانی سفارت خانے کے زیر انتظام اسلامی انقلاب کی 47ویں سالگرہ پر عشائیے کا اہتمام کیا گیا جس میں صدر مملکت آصف علی زرداری، گورنر کے پی فیصل کریم کنڈی، گورنر گلگت بلتستان مہدی شاہ، وفاقی وزیر جام کمال، مذہبی،سفارتی و سیاسی شخصیات کی بڑی تعداد شریک ہوئیں۔
عشائیے میں ایرانی سکول کے بچوں نے پاکستان اور ایران کے قومی ترانے پڑھے، تقریب سے خطاب کرتے ہوئے ایرانی سفیر رضا امیری مقدم نے خطاب کرتے ہوئے کہا کہ برادر دوست ملک پاکستان میں ایران کے اسلامی انقلاب کی 47ویں سالگرہ منانا باعث تکریم ہے۔
انہوں نے کہا کہ ایرانی اسلامی انقلاب ایرانی عوام کی خواہشات کا عکاس تھا، اسلامی انقلاب نے ایران کے لئے خودمختاری اور سالمیت کی بنیاد رکھی، 47 سالہ عالمی پابندیوں کے باوجود ایران نے مختلف شعبوں میں ترقی کا سفر جاری رکھا۔
ایرانی سفیر نے کہا کہ ایران عالمی سطح پر ایک فعال ایکٹر ہے، ایران نے ہمیشہ بامقصد اور تعمیری مذاکرات کا راستہ چناتاہم جے سی پی او کو ایران کو انڈر سیسٹیمیٹک کرتے ہوئے توڑا گیا، اسی طرح ایران کے ساتھ مذاکرات کے دوران ہی ایران پر امریکی و اسرائیل نے حملہ کیا۔
رضا امیری مقدم نے کہا کہ اسرائیل کے خلاف 12 روزہ جنگ میں ایرانی قوم کے حوصلہ نے صیہونی دشمن کو جھکنے پر مجبور کیا، دشمن نے مایوس ہو کر ایران میں احتجاج اور مظاہروں کے زریعہ شرپسندی کی۔
آج ایران میں ہونے والے انقلاب کے حامی مظاہروں میں لاکھوں کے مجمع شرپسندوں کو جواب ہیں، ایران نے مسلسل ثابت کیا کہ وہ جنگ نہیں چایتا تاہم وہ اپنی سالمیت اور خودمختاری کا بھرپور دفاع کرے گا، ایران اور پاکستان کے تعلقات میں تیزی سے اضافہ ہو رہا ہے، پاک ایران تعلقات میں دفاع، ثقافت اور اعلی سطح تبادلوں میں اضافہ ہوا ہے۔