(حافظ شہباز علی) پاکستان کرکٹ بورڈ نے دورہ نیوزی لینڈ کی تصدیق کر دی، قومی کرکٹ ٹیم سال کے آخر میں شیڈول کے مطابق نیوزی لینڈ کا دورہ کرے گی۔
تفصیلات کے مطابق پاکستان اور نیوزی لینڈ کے درمیان دسمبر میں دو ٹیسٹ اور تین ٹی ٹوئنٹی میچز کی سیریز شیڈول ہے۔ نیوزی لینڈ کرکٹ بورڈ کے چیف ایگزیکٹیو ڈیوڈ وائٹ کے مطابق کورونا وائرس کے باوجود انٹر نیشنل کرکٹ سیریز ہوں گی ۔ اس سال پاکستان ، آسٹریلیا ، بنگلہ دیش اور ویسٹ انڈیز کی سیریز ہوں گی۔
ان کا کہنا تھا کہ دورہ کرنے والی ٹیموں کی آئسولیشن کے انتطامات کئے جا رہے ہیں۔ اس وقت تک تما م سیریز یقینی دکھائی دے رہی ہیں، پاکستان کےعلاوہ ویسٹ انڈیز، بنگلہ دیش اور آسٹریلیا نے بھی دورے کی تصدیق کر دی ہے، اس سیزن کے دوران نیوزی لینڈ میں 37 روز کی انٹر نیشنل کرکٹ ہو گی۔
NZC CEO David White also gave an update on the potential shape of the New Zealand summer schedule at today's MediaWorks Radio announcement. Tours from @windiescricket, @TheRealPCB, @CricketAus and @BCBtigers to NZ are all in the proposed schedule #CricketNation pic.twitter.com/F10qYvyFLI
— BLACKCAPS (@BLACKCAPS) August 11, 2020