کیا واقعی یہ ورلڈ کپ تاریخ کو دہرا رہا ہے؟ دلچسپ حقائق

کیا واقعی یہ ورلڈ کپ تاریخ کو دہرا رہا ہے؟ دلچسپ حقائق
کیپشن: T20 world cup
سورس: Google
Stay tuned with 24 News HD Android App
Get it on Google Play

ویب ڈیسک: 1992 میں پاکستان نے سابق وزیر اعظم اور کپتان عمران خان کی قیادت میں  پہلا آئی سی سی ورلڈکپ اپنے نام کیا تھا ۔

رواں سال بھی آسٹریلیا ٹی20 ورلڈکپ کی میزبانی کر رہا ہے۔ ایونٹ میں قومی ٹیم کا سیمی فائنل میں کوالیفائی کرنا کسی معجزے سے کم نہیں تھا اور ایسا تب ہوا جب نیدر لینڈز کی ٹیم نے جنوبی افریقا کو اپ سیٹ شکست دی۔

1992 میں آسٹریلیا گروپ راؤنڈ سے باہر ہوگیا تھا، ایسا ہی کچھ ٹی20 ورلڈکپ میں ہوا ہے اور کینگروز کی ٹیم سپر 12 مرحلے سے آگے نہیں بڑھ سکی۔پاکستان نے اپنا پہلا ابتدائی میچ میلبرن کرکٹ گراؤنڈ میں کھیلا تھا اور شکست ہوئی تھی، سال 2022 میں بھی ایسا ہی ہوا۔1992 میں بھارت نے پاکستان کو ہرایا تھا، اس بار بھی کچھ ایسا ہی دیکھنے میں آیا۔پاکستان نے عمران خان کی قیادت میں لگاتار تین میچز جیت کر ایونٹ میں کم بیک کیا تھا اور 2022 میں بھی ایسا ہی رہا۔

1992 میں پاکستان سیمی فائنل میں نیوزی لینڈ کے خلاف ہی جیتا تھا اور کیویز نے ہی پہلے بیٹنگ کی تھی، جبکہ 2022 کے ورلڈکپ میں ہدف کا تعاقب کرتے ہوئے قومی ٹیم فتح حاصل کرنے میں کامیاب ہوئی۔دوسری جانب ایونٹ کے دوسرے سیمی فائنل میں آج بھارت اور انگلینڈ کی ٹیمیں مدمقابل ہوں گی، اگر انگلش ٹیم فائنل کیلئے کوالیفائی کرتی ہے تو یہ بلکل 1992 والی صورتحال ہوگی۔