سٹی 42 : شہر لاہور میں گزشتہ 24 گھنٹوں کے دوران 223 ٹریفک حادثات رپورٹ ہوئے۔
ریسکیو حکام کے مطابق شہر لاہور میں گزشتہ 24 گھنٹوں کے دوران مختلف علاقوں میں 223 ٹریفک حادثات رپورٹ ہوئے، ان ٹریفک حادثات کی زد میں آ کر ایک شخص جاں بحق، 295 افراد زخمی ہوئے، جن میں سے 98 شدید زخمیوں کو طبی امداد کیلئے مقامی ہسپتالوں میں منتقل کیا گیا، جبکہ 197 معمولی زخمیوں کو موقع پر فرسٹ ایڈ فراہم کی گئی۔
ریسکیو حکام کا کہنا ہے کہ ٹریفک حادثات تیز رفتاری اور ٹریفک قوانین کی خلاف ورزی کے باعث پیش آئے ۔