(مانیٹرنگ ڈیسک)عالمی شہرت یافتہ کم عمر ترین باکسنگ چمپئن پاکستانی نژاد برطانوی باکسر عامر خان نے راولپنڈی میں کبوتر اڑا دینے کی غلطی پر مالکان کے تشدد سے جان سے جانے والی کم سن گھریلو ملازمہ زہرہ شاہ کے اہل خانہ  کے لئے امداد کا اعلان کردیا۔

تفصیلات کے مطابق عالمی شہرت یافتہ کم عمر ترین باکسنگ چمپئن پاکستانی نژاد برطانوی باکسر عامر خان نے راولپنڈی میں کبوتر اڑا دینے کی غلطی پر مالکان کے تشدد سے جان سے جانے والی کم سن گھریلو ملازمہ زہرہ شاہ کے اہل خانہ  کے لئے امداد کا اعلان کردیا۔ فوٹو اور ویڈیو شیئرنگ ایپ انسٹاگرام پر باکسر نے اپنی ایک پوسٹ میں بتایا کہ ان کی ٹیم عامر خان فاؤنڈیشن نے زہرا شاہ کے اہل خانہ سے ملاقات کی اور انہیں یقین دہانی کروائی کہ زہرہ کو ضرور انصاف ملے گا۔

View this post on Instagram

My team at @amirkhanfoundation visited Zohra's parents and siblings today. We have assured them that we will get justice for Zohra, and ensured them that her siblings will all receive a good education. We also have their word that they will not be coerced into any financial settlement from Zohra's murderers. Finally, they are humbled at the launch of our Child Protection Fund in Zohra's name, which will protect hundreds and thousands of children in the years to come, until we eradicate child abuse from Pakistan completely. #justiceforzohrashah

A post shared by Amir Khan (@amirkingkhan) on Jun 8, 2020 at 6:42am PDT

انہوں نے بتایا کہ زہرہ کے بہن بھائیوں کے تعلیمی اخراجات اب ان کی فاؤنڈیشن اٹھائے گی اور انہیں بہتر تعلیم حاصل کرنے کے مواقع فراہم کرے گی۔ عامر خان نے بتایا کہ زہرہ کے اہل خانہ کا کہنا ہے کہ وہ پیسوں کے عوض کسی قسم کے دباؤ کا شکار نہیں ہوں گے اور انصاف کیلئے کسی بھی حد تک جائیں گے۔

باکسر نے لکھا کہ انہوں نے زہرہ کے نام پر چائلڈ پروٹیکشن فنڈ متعارف کروایا ہے جس پر زہرہ کے اہل خانہ نے اظہار تشکر کیا۔انہوں نے بتایا کہ زہرہ چائلڈ پروٹیکشن فنڈ آنے والے برسوں میں بچوں کے ساتھ ہونے والی زیادتی کا خاتمہ کرے گی اور سیکڑوں اور ہزاروں بچوں کی حفاظت کرے گی۔

واضح رہے کہ 3 جون کو راولپنڈی میں طوطے اڑانے پر 8 سالہ ملازمہ کو گھر کے مالک اور بیوی نے مبینہ طور پر تشدد کر کے قتل کر دیا تھا۔