زاہد چودھری : ڈینگی وائرس کے حملوں کی شدت برقرار, چوبیس گھنٹوں کے دوران شہر میں ڈینگی بخار کے 59 نئے مریضوں کی تصدیق  ہو گئی ۔ شہر کے مزید 3 ہزار 876 مقامات سے ڈینگی لاروا تلف کردیاگیا۔
  ڈینگی وائرس کی حالیہ شدید لہر برقرار ہے۔ چوبیس گھنٹوں کے دوران لاہور میں ڈینگی بخار کے 59 نئے مریضوں کی تصدیق ہوئی ہے۔ لاہور کے ہسپتالوں میں ڈینگی بخار کے 38 مریض بدستور زیر علاج ہیں۔ شہر میں مچھروں کی افزائش میں بھی اضافہ ہو رہا ہے اور مزید 3 ہزار 876 مقامات سے ڈینگی لاروا برآمد ہوا ہے، جسے محکمہ صحت کی ٹیموں نے تلف کر دیا۔