بیوروکریسی کی عالیشان رہائشگاہیں کہاں کہاں اور کتنے رقبے پر؟

بیوروکریسی کی عالیشان رہائشگاہیں کہاں کہاں اور کتنے رقبے پر؟


(راﺅ دلشاد) بیوروکریسی کی عالیشان رہائشگاہیں کہاں کہاں اور کتنے رقبے پر ، کب نیلامی کروائی جائے گی۔ نئے افسر کتنے مرلے کے گھر میں رہیں گے۔ پنجاب حکومت نے محکمہ بلدیات کو مراسلہ جاری کر کے تفصیلات مانگ لیں۔

یہ بھی لازمی پڑھیں:نیوز بلیٹن 3بجے 14 نومبر2018  

تفصیلات کے مطابق پنجاب حکومت نے وفاقی حکومت کی کفایت شعاری مہم کا حصہ بننے کیلئے سیکریٹری بلدیات عارف انوار بلوچ سے افسروں کے زیراستعمال عالیشان رہائش گاہوں اور ریسٹ ہاوسز کی تفصیلات طلب کرلیں۔ پنجاب حکومت نے 10 مرلہ سے 5 کنال یا اس سے زائد کی رہائش گاہوں کا تخمینہ لگانےکی ہدایت کردی۔ حقائق پر مبنی کوائف کا سرٹیفکیٹ سیکشن آفیسر سٹیٹ کوجمع کرانے کی ہدایت کی گئی ہے۔سیکرٹری بلدیات سرکاری افسران کے زیر استعمال بنگلوں اور رہائش گاہوں کی رپورٹ سینئر صوبائی وزیر کو پیش کریں گے۔

 عبدالعلیم خان سرکاری بنگلوں اور رہائش گاہوں کی مالیت سے متعلق رپورٹ پر بریفنگ وزیراعظم عمران خان کو دیں گے۔ تاہم سرکاری بنگلوں اور رہائش گاہوں کی نیلامی کا حتمی فیصلہ وفاقی حکومت ہی کرے گی۔

مراسلہ کے مطابق اسٹیٹ افسروں نے بلدیات کمشنر آفس، ڈی سی آفس، میٹروپولیٹن کارپوریشن سمیت دیگر محکموں کے افسروں سے دو روز میں رپورٹ طلب کی ہے۔