ویب ڈیسک:  کراچی سے ٹورنٹو جانے والی پی آئی اے کی پروز میں مسافر کو دل کا دورہ پڑنے کا معاملہ،مسافر کو دل کا دورہ ڈرامہ نکلا۔

 گزشتہ روز کراچی سے ٹورنٹو جانے والی پی آئی اے کی پرواز میں مسافر کو دل کا دورہ پڑنے کا معاملہ پیش آنے پر طیارے  کو کراچی ائیرپورٹ اترایا گیا تھا۔مسافر کو فوری طور پر ایمبولینس کے ذریعے ہسپتال منتقل کیا گیا ۔ڈاکٹر کا کہناتھا کہ مسافر کے چیک اپ کے بعد دل کا دورہ پڑنے کے کوئی شواہد نہیں ملے ، مسافر کی تمام رپورٹس نارمل ہے۔

 ترجمان پی آئی اے نےتصدیق کرتے ہوئے بتایا کہ مسافر کو دل کا دورہ ڈرامہ نکلا ،پی آئی اے نے مسافر کو بلیک لسٹ کردیا، مسافر کی ڈرامہ بازی کی وجہ سے قومی ائیر لائن کو سوا کروڑ روپے کا ٹیکہ لگ گیا۔لینڈنگ سے پہلے بوئنگ 777 کا ایک اضافی ایندھن کو سمندر کے اوپر چکر کاٹ کر فضا میں ضائع کیا گیا تھا۔ ایندھن پھینکے کی وجہ سے 1 کروڑ 25 لاکھ روپے نقصان کا سامنا کرنا پڑا۔

 طیارے کی لینڈنگ سے قبل بوئنگ 777 طیارے میں موجود 85 ٹن ایندھن ضائع کیا گیا تھا۔قومی ائیر لائن کو ضائع ہونے والے فیول کی مد میں سوا کروڑ روپے نقصان کا سامنا کرنا پڑا۔ ڈرامہ بازی کرنے والا شخص سید وصی نامی مسافر ہے جوکہ کینیڈین شہری ہے۔