سٹی 42: وزیراعظم شہباز شریف 2026  کا پہلا دورہ لندن ،برطانیہ کا کریں گے۔

سفارتی ذرائع کے مطابق شہباز شریف 17 جنوری کو نجی دورے  پر لندن، برطانیہ روانہ ہوں گے، وزیر اعظم کا دورہ برطانیہ نجی نوعیت کا دورہ ہو گا۔

شہباز شریف نجی مصروفیات کے لیے دو روز لندن میں گزاریں گے۔وزیر اعظم شہباز شریف 19 جنوری کو لندن سے ڈیووس، سوئٹزرلینڈ پہنچیں گے۔

وزیراعظم کے ہمراہ ایک اعلی سطح وفد بھی ڈیووس پہنچے گا۔

وزیر اعظم ڈیووس، سوئٹزرلینڈ میں سالانہ عالمی اقتصادی فورم اجلاس میں شرکت کریں گے۔56 ویں عالمی اقتصادی فورم کا سالانہ اجلاس ڈیووس ، سوئٹزرلینڈ میں 19 جنوری سے 25 جنوری تک منعقد ہو گا۔وزیراعظم اجلاس کے موقع پر شریک دیگر عالمی راہنماؤں سے بھی ملاقاتیں کریں گے۔