دھند کے باعث آج 21 پروازیں منسوخ ہوگئیں اور دس پروازیں ڈائیورٹ کر دی گئیں۔ ائیرپورٹس پر پروازیں منسوخ ہونے کا سلسلہ اب بھی جاری ہے۔ متعدد پروازیں دھند کی وجہ سے تاخیر کا شکار ہیں۔
پنجاب اور خیبرپختونخوامیں دھند کے باعث اسلام آباد، پشاور ، سیالکوٹ اور ملتان ائیرپورٹس پر 21 پروازیں روانہ نہیں ہو سکیں جبکہ ان ائیرپورٹس پر آنے والی پروازوں کو بھی لینڈنگ میں شدید دشواری کا سامنا کرنا پڑا، شدید مشکلات کے سبب پی آئی اے کی 10 غیرملکی پروازوں کو متبادل ائیرپورٹس پر اتارا گیا۔
پیرکو اسلام آباد، پشاور، سیالکوٹ اور ملتان کی 21 پروازیں منسوخ ہوئیں، کویت سٹی سے سیالکوٹ کی پرواز پی کے 240 کو لاہور اتارا گیا، دبئی اسلام آباد پی کے 234، پی کے 112 کو لاہور اتارا گیا۔
مدینہ ملتان پی کے 716، القصیم ملتان پی کے 170 کو بھی لاہور میں لینڈنگ کروائی گئی اور ان پروازوں کے مسافروں کو سڑک کے راستہ واپس ملتان یا اپنے اپنے گھر جانا پڑا۔ دمام سیالکوٹ پرواز پی کے 244 لاہور اتاری گئی، جدہ سیالکوٹ پی کے 746، شارجہ سیالکوٹ پی کے 210 بھی لاہور ائیرپورٹ پر اتاری گئی، دبئی پشاور پروازپی کے 284 کو اسلام آبادائیرپورٹ پر اتارنا پڑا۔
دبئی لاہور پرواز پی کے 236 کو لاہور میں دھند کے باعث اسلام آباد منتقل کیا گیا۔ ابوظبی اسلام آباد کی پرواز پی کے 161منسوخ کردی گئی، اسلام آباد کراچی ای آر 500 اور ای آر 505 بھی دھند کے باعث منسوخ ہوگئی، اسلام آبادکوئٹہ ای آر 540 اور 541 دبئی ای ار 701 بھی دھند کی وجہ سے منسوخ ہو گئیں۔ دوحہ پی کے287،کوئٹہ پی کے 325 اور 326 بھی دھند کی وجہ سےمنسوخ کی گئیں، کراچی سکھر پی کے 530 اور پی کے 531 منسوخ ہوئی، شارجہ ملتان پی کے 812، جدہ ملتان پی کے 940 بھی منسوخ کردی گئی۔
مسقط پشاور کی اپ اور ڈاؤن کی دو پروازیں منسوخ ہوئیں، چین کے شہر نینگ سے کراچی کی پرواز وائی جی 9143 منسوخ ہوئی، کراچی پشاور 9P865 اور 9P866 بھی منسوخ کردی گئی۔