(شاہد ندیم سپرا)شہر میں گیس کی قلت پر قابو نہ پایا جا سکا، سوئی ناردرن گیس کمپنی کے سسٹم میں تیکنیکی خرابیوں اور گیس قلت کی وجہ سے کھانا پکانے کے اوقات میں پریشر کیساتھ گیس فراہمی ناممکن ہونے لگی۔
موسم میں تبدیلی کی وجہ سے سوئی ناردرن گیس کمپنی کے صارفین نے گیس کا استعمال بڑھا دیا ہے جس کی وجہ سے مختلف علاقوں میں پریشر کیساتھ گیس فراہمی ناممکن ہو رہی ہے اور صارفین کو مشکلات کا سامنا کرنا پڑ رہا ہے۔
وفاقی حکومت نے کھانا پکانے کے اوقات میں آٹھ گھنٹے گیس دینے کا اعلان کر رکھا ہے تاہم اس کے باوجود گیس سپلائی ناممکن ہو رہی ہے، گیس کی عدم فراہمی کی وجہ سے صارفین نے کمپریسر کا استعمال بڑھا دیا ہے، کمپریسر کی شرح بڑھنے پر متعدد علاقوں میں صارفین گیس سے محروم ہوتے جا رہے ہیں اور کئی علاقوں میں ایس این جی پی ایل کے سسٹم کی خرابیوں کی وجہ سے گیس نہیں پہنچ سکی۔