فواد عالم کی شوبز کی دنیا میں دھماکے دار انٹری

Fawad in Showbiz
Fawad Alam

زین مدنی: معروف کرکٹر فواد عالم نے شوبز میں اپنا کیرئیر شروع کردیا،بطور اداکار پہلی ویب سیریز ’’خود کش محبت ‘‘ کا ٹریلر ریلیز کردیاگیا۔

معروف ٹیسٹ کرکٹر فواد عالم نے بطور اداکار بھی اپناکیرئیر شروع کرتے ہوئے ڈیبیو کردیا ہے۔انہوں نے ایک ویب سیریز خود کش محبت میں اداکاری کے جوہر دکھائے ہیں،جس کا ٹریلر ریلیز کردیاگیا ہے ۔فواد عالم ویب سیریز میں ایک مذہبی استاد کے روپ میں نظر آئیں گے۔دیگر کاسٹ میں فاریہ حسن فواد عالم کے مدمقابل نظر آئیں گی۔ویب سیریز کو ایاز شہزاد نے ڈائریکٹ کیا ہے، ویب سیریز جلد ہی ریلیز کی جائے گی۔

  

فواد نے 2007 میں بین الاقوامی کرکٹ سے آغاز کیا تھا اور دس سال کے وقفے کے بعد انہوں نے واپسی کی اور 2020 میں دو سنچریاں بنائیں۔ انہوں نے حال ہی میں پاکستان سپر لیگ (پی ایس ایل) 6 میں بطور تجزیہ کار حدود سے باہر بھی کام کیا۔