ویب ڈیسک : عمان نے پاکستان سمیت دنیا کے دیگر 24 ممالک کےمسافروں کی آمد پر پابندی عائد کردی۔پابندی کا مقصد کورونا وائرس کے پھیلاؤ کو روکنا ہے۔
ویب ڈیسک کے مطابق عمان کی کورونا وائرس ٹاسک فورس نے اعلان کیا ہے کہ کورونا کےباعث جن ممالک کے مسافروں پر پابندی عائد کی گئی ہے ان میں پاکستان، بھارت، بنگلہ دیش، گھانا، تیونس، برطانیہ، لبنان، برونائی، انڈونیشیا، ایتھوپیا، ارجنٹائن، ایران، برازیل، سوڈان، عراق، فلپائن، سنگاپور، جنوبی افریقہ، تنزانیہ، کولمبیا، نائجیریا، لیبیا، گیانا اور سیرا لیون شامل ہیں۔
پروازوں پر پابندی کا مقصد عمان کی سرحدوں میں وائرس کو داخل ہونے سے روکنا ہے کیونکہ پابندی کی فہرست میں شامل تمام ممالک وائرس کی نئی قسم جو بہت زیادہ پھیلتی ہے سے نبرد آزما ہیں۔
The seven countries covered by the travel restrictions are India, Pakistan, Nepal, Bangladesh, Sri Lanka, Oman, and the United Arab Emirates.https://t.co/s4bRUMM5ER
— GMA News (@gmanews) June 30, 2021
عمان کی کورونا وائرس ٹاسک فورس نے سماجی رابطے کی ویب سائٹ ٹویٹر پر جاری کردہ اپنے پیغام میں کہا ہے کہ ہر ایک کی حفاظت کو یقینی بنانے اور کورونا وائرس کے پھیلاؤ کو روکنے کے لیے 24 ممالک سے سلطنت میں آمد کو اگلے نوٹس تک معطل کردیا گیا ہے۔ عمان میں کورونا وائرس کے 18 سو 24 نئے کیسز سامنے آئے ہیں جس سے کیسز کی مجموعہ تعداد دو لاکھ 78 ہزار 560 ہو گئی ہے جب کہ جاں بحق افراد کی تعداد 33 سو سے زائد ہو گئی ہے۔