شاہد ندیم سپرا: ذوالحج کا چاند دیکھنے کے لئے رویت ہلال کمیٹی کا اجلاس دس جولائی کو کراچی میں بلا لیا گیا، جس میں عیدالاضحی کا اعلان کیا جائے گا۔
اجلاس کی صدارت چیئرمین مرکزی رویت ہلال کمیٹی مولانا عبدالخبیر آزاد کریں گے جس میں ممبران علامہ محمد حسین اکبر، ڈاکٹر راغب نعیمی سمیت محکمہ موسمیات کے نمائندگان شریک ہوں گے۔
اجلاس کے دوران ذوالحج کا چاند دیکھنے کی کوشش کی جائے گی جبکہ زونل روئت ہلال کمیٹیوں سے شہادتیں بھی موصول کی جائیں گی، شہادتوں کی موصولی پر مرکزی روئت ہلال کمیٹی عیدالاضحیٰ کا اعلان کرے گی۔ عید الاضحی اکیس یا بائیس جولائی کو ہو سکتی ہے