( سٹی 42 ) قومی ٹیم کے وکٹ کیپر بیٹسمین کامران اکمل نیشنل ون ڈے کپ سے ڈراپ کیے جانے پر مایوس ہوگئے۔
قومی ٹیم کے سینئر کھلاڑی کامران اکمل نے سماجی رابطے کی ویب سائٹ ٹویٹر پر اپنے پیغام میں کہا کہ کارکردگی دکھانے کے باوجود نیشنل ون ڈے کپ سے ڈراپ کیے جانے پر حیران ہوں۔ انہوں نے اپنے ٹویٹ میں پی سی بی اور ڈائریکٹر ہائی پرفارمنس سینٹر ندیم خان کو مینشن کرتے ہوئے درخواست کی کہ وہ اس معاملے کو دیکھیں۔
انہوں نے مزید کہا کہ کرکٹ میرا جنون ہے، میں کھیلنا چاہتا ہوں لیکن میں اب اپنا معاملہ اللہ کے سپرد کرتا ہوں۔
Shocked & disappointed As a senior & season Player i have not been treated well.I request @TheRealPCB @NadeemKhanCC to look into the matter. Cricket is my passion and i want to play it BUT....I rest my case to My Allah.
— Kamran Akmal (@KamiAkmal23) January 7, 2021
واضح رہے 33 میچز پر مشتمل ٹورنامنٹ ڈبل لیگ کی بنیاد پر کھیلا جائے گا۔ میچز کراچی کے تین وینیوز این بی پی اسپورٹس کمپلیکس، اسٹیٹ بینک اسٹیڈیم اور یو بی ایل اسپورٹس کمپلیکس میں کھیلے جائیں گے۔ اسٹیٹ بینک اسٹیڈیم 29 اور 30 جنوری کو سیمی فائنلز اور 31 جنوری کو فائنل کی میزبانی کرے گا۔