بسیم افتخار: دفاعی شعبہ کے بعد صحت کے شعبہ میں پاکستان کا عالمی سطح پر عالیشان مقام بن گیااورکالج آف فزیشنزاینڈسرجنز پاکستان سے تربیت یافتہ ڈاکٹرزاور طبی ماہرین کی دنیامعترف ہوگئی۔
صدر سی پی ایس پی پروفیسرخالدمسعود گوندل کاکہناہے کہ آئرلینڈ نے پاکستان سے مزید 100ڈاکٹرز مانگے ہیں ،قطرمیں سی پی ایس پی کی ڈگری کوپی ایچ ڈی کے برابرتصورکیاجاتاہے۔
پروفیسرخالدمسعود گوندل کاکہناہے کہ مزیدممالک ہماری صحت کے شعبہ میں سی پی ایس پی کی خدمات حاصل کرناچاہتے ہیں ۔
سینئرنائب صدر سی پی ایس پی پروفیسر شعیب شفیع کاکہناہے کہ برطانیہ کےایک اخبارنے سی پی ایس پی کے خلاف بے بنیاد خبر نشر کی ،ہم نے مختلف اداروں سے آڈٹ کرایاجنہوں نے ہمیں سی پی ایس پی کو کلیئرقرار دیا ۔