ویب ڈیسک :ملتان کے راجا رام پھاٹک کے قریب ایک افسوسناک ٹرین حادثے میں چرواہا اور اس کے ساتھ موجود 14 گائیں موقع پر ہی جاں بحق ہو گئیں۔

ترجمان پولیس کاکہنا ہے کہ پھاٹک کے قریب 100سے زائد جانور ریلوے ٹریک کراس کر رہےتھے،ٹرین کا ہارن بجنے سے جانوروں میں بھگدڑ مچی اور 14 گائے ٹرین کےنیچےآگئیں۔

پولیس حکام کےمطابق جاں بحق ہونے والے چرواہےکی شناخت محمد موسیٰ کے نام سے ہوئی، حادثہ راولپنڈی سے کراچی جانیوالی پاکستان ایکسپریس کیساتھ پیش آیا،چرواہےکی لاش قریبی ہسپتال منتقل کردی گئی۔