شاہد ندیم: بھارت سے آئے 56 سالہ سکھ یاتری جسویندر سنگھ ہارٹ اٹیک کے باعث لاہور میں انتقال کر گئے۔ ذرائع کے مطابق جسویندر سنگھ بابا گورونانک کے 550 ویں جنم دن کی تقریبات میں شرکت کے لیے بھارت سے پاکستان آئے تھے۔
جسویندر سنگھ کو منگل کے روز دل میں تکلیف پر پی آئی سی منتقل کیا گیا تھا۔ ہسپتال ذرائع کے مطابق جسویندر سنگھ جانبر نہ ہوسکے اور ہسپتال میں انتقال ہو گیا۔ جسویندر سنگھ کی میت کل واہگہ باڈر پر بھارتی حکام کے حوالے کی جائے گی۔