’’جنوبی پنجاب میں کرکٹ کا بے پناہ ٹیلنٹ موجود ہے‘‘

’’جنوبی پنجاب میں کرکٹ کا بے پناہ ٹیلنٹ موجود ہے‘‘


(علی اکبر) وزیر اعلی پنجاب سردار عثمان بزدار کا کہنا ہے کہ کرکٹ پاکستان کا مقبول ترین کھیل ہے، کرکٹ ٹیم نے وطن عزیز کا نام روشن کیا۔ کرکٹ کے فروغ کیلئے پی سی بی کے ساتھ مل کر اقدامات کیے جائیں گے۔

یہ بھی لازمی پڑھیں:نیوز بلیٹن 3بجے 14 نومبر2018  

 تفصیلات کے مطابق وزیر اعلی پنجاب سردار عثمان بزدار سے چیئرمین پاکستان کرکٹ بورڈ احسان مانی نے ملاقات کی، پنجاب حکومت اور پی سی بی کے درمیان جنوبی پنجاب میں کرکٹ ٹیلنٹ کو فروغ دینے اور کرکٹ اکیڈمی کے قیام پر اتفاق کیا گیا۔اس موقع پر وزیر اعلیٰ پنجاب نے کہا کہ جنوبی پنجاب اور پسماندہ علاقوں میں کرکٹ کا بے پناہ ٹیلنٹ موجود ہے۔  حکومت اس ٹیلنٹ کو سامنے لانے کیلئے ہرممکن اقدام اٹھائے گی۔ جنوبی پنجاب اور پسماندہ علاقوں کے لڑکوں کی کوچنگ کیلئے پی سی بی کی جانب سے کرکٹرز کے دورے کرائے جائیں گے۔

انہوں نے کہا کہ جنوبی پنجاب میں کرکٹ کے ٹیلنٹ کو سامنے لانے کیلئے پی سی بی جامع پلان مرتب کرے، حکومت پنجاب ممکنہ سہولتیں دے گی۔ پی ایس ایل کے میچوں کیلئے پی سی بی سے ہرممکن تعاون کیا جائے گا۔ پی ایس ایل کے باعث پاکستان میں انٹرنیشنل کھلاڑیوں کی آمد بڑھی ہے۔

 احسان مانی نےوزیراعلیٰ عثمان بزدار کو پی سی بی کےدورے کی دعوت بھی دی۔ مشیر وزیراعلیٰ عون چوہدری، چیف آپریٹنگ آفیسر پی سی بی اور پرنسپل سیکرٹری وزیراعلیٰ بھی موقع پر موجود تھے۔