‎سٹی 42: وفاقی وزیر داخلہ محسن نقوی کی ہدایت پر وزیر مملکت برائے داخلہ نے  ریڈ زون، ڈپلومیٹک انکلیو اور  دیگر حساس مقامات کا دورہ کیا ۔ 
‎‎وفاقی سیکرٹری داخلہ، چیف کمشنر، آئی جی، ڈپٹی کمشنر اسلام آباد، رینجرز اور ایف سی کے اعلیٰ افسران بھی ہمراہ تھے۔
‎ ‎وزیر مملکت داخلہ طلال چوہدری نے رمضان المبارک میں مساجد اور ڈپلومیٹک انکلیو کے سیکیورٹی انتظامات کا جائزہ لیا۔‎نمازِ جمعہ اور دیگر عبادات کے دوران پر سیکیورٹی انتظامات کو مؤثر بنانے کی ہدایت کی ۔ 
‎‎طلال چوہدری  نے کہا دارالحکومت میں امن و استحکام برقرار رکھنا حکومت کی اولین ترجیح ہے۔
‎‎وزیر مملکت برائے داخلہ نے اسلام آباد پولیس اور دیگر سیکیورٹی اداروں کے بہترین سیکیورٹی انتظامات کو سراہا۔