وقاص احمد: باٹا پور کے علاقے میں نامعلوم افراد کی فائرنگ سے 20 سالہ نوجوان غلام رضا زخمی ہو گیا۔
پولیس کے مطابق نامعلوم ملزمان نے غلام رضا پر فائرنگ کی، جس کے نتیجے میں وہ زخمی ہو گیا۔ اطلاع ملنے پر ریسکیو ٹیموں نے زخمی کو ابتدائی طبی امداد فراہم کرنے کے بعد مزید علاج کے لیے سروسز ہسپتال منتقل کر دیا۔
پولیس کا کہنا ہے کہ غلام رضا کو گولی ٹانگ پر لگی ہے اور اس کی حالت خطرے سے باہر ہے۔
واقعے کے بعد پولیس نے شواہد اکٹھے کرکے تحقیقات کا آغاز کر دیا ہے، جبکہ ملزمان کی شناخت اور گرفتاری کے لیے کارروائی جاری ہے۔